Tabiyat in dino begaanaa-e-gam hoti jaati hai
Mere hisse ki goyaa har khushi kam hoti jaati hai
Qayaamat kyaa ye ai husn-e-do_aalam hoti jaati hai
Ke mahafil to wahi hai dilakashi kam hoti jaati hai
Wahi hai saahil-o-saaqi magar dil bujhataa jaataa hai
Wahi hai shamma-e-dil roshani kam hoti jaati hai
Wahi mayakhaana-o-rahabaan wahi shishaa wahi saagar
Magar aawaaz-e-naushaanosh maddham hoti jaati hai
Wahi hai zindagi lekin ‘jigar’ ye haal hai apanaa
Ke jaise zindagi se zindagi kam hoti jaati hai
| Movie | Non-Film |
| Singer | Begum Akhtar |
| Lyricist | Jigar Moradabadi |
