Ho, chehara hai ya chaand khila hai, julf ghaneree shaam hai kya
Saagar jaisee aankho waalee, yeh toh bata teraa naam hai kya
Tu kya jaane teree khaatir, kitna hai betaab yeh dil
Tu kya jaane dekh raha hai, kaise kaise khwaab yeh dil
Dil kehta hai tu hai yaha toh, jaata lamha tham jaaye
Wakt kaa dariya behte behte, iss manjar me jam jaaye
Tune divaana dil ko banaaya, iss dil par iljaam hai kya
Saagar jaisee aankho waalee, yeh toh bata teraa naam hai kya
Ho, aaj mai tujhase dur sahee, aur tu mujhase anjaan sahee
Teraa saath nahee paau toh, khair teraa armaan sahee
Yeh armaan hain shor nahee ho, khamoshee ke mele ho
Iss duniya me koyee nahee ho, ham dono hi akele ho
Tere sapane dekh raha hu, aur meraa abb kaam hai kya
Saagar jaisee aankho waalee, yeh toh bata teraa naam hai kya
| Movie | Saagar |
| Singer | Kishore Kumar |
| Music Composer | R D Burman |
| Lyricist | Javed Akhtar |
