Prem pujaran chali piya ke dwaar
Daras ki aas liye
Apne man mandir ke dev pe
Atal achal vishwaas liye
Prem pujaran chali piya ke dwaar
Dhund rahi hai pyaasi ankhiyaa
Apne man bhavan din ratiyaa
Bahut dino se chhupe hue prabhu
Anatr ke abhilashi
Prem pujaran chali piya ke dwaar
Preetam ka mukh dekh hirday me
Chhaya harsh aapaar
Dekh rahi thi jo sapna vo
Swapn hua sakaar
Nain diwaane
Rup suhaane
Man ki anokhi pyaas liye
Prem pujaran chali piya ke dwaar
He shivshankar
He gangadhar
Yug yug se main tumhari pujaran
Puja karo swikaar
Dur na rakhna in charno se
Yahi mera sansaar
| Movie | Kailashpati |
| Director | Dhirubhai Desai |
| Music Composer | Avinash Vyas |
| Lyricist | Madan Bharti |
| Star Cast | Mahesh Desai, Sumitra Devi, Padma Rani, Niranajan Sharma, Jeevan |
