(Mann ki patang mein sapnon ke dhaage
Kuchh yun le chale zindagi aage aage) – 2
Khula aasmaan hai nahi mod koi
Yahaan par hawa ka nahi chhor koi
Main udti rahoon panchhiyon ki tarah se
Unhein jaan loon aaj unki zubaan se
Khuli dhoop ki bastiyon se nikal ke
Hawa mein jaise boondein ghata ban ke bhaage
Haan mann ki patang mein sapnon ke dhaage
Kuchh yun le chale zindagi aage aage
Dil mein basa loon mehakate se pal yeh
Kahin dhal na jaaye behakate se pal yeh
Inhein band kar loon bana ke nishaani
Bana kar karein yahin apni kahani
Thaki raat ki khidkiyan khat-khata kar
Bheeni oss se har subah jaise jaage
Hmm mann ki patang mein sapnon ke dhaage
Kuchh yun le chale zindagi aage aage
| Movie | Listen... Amaya |
| Singer | Vidhi Sharma |
| Music Composer | Indraneel Hariharan |
| Lyricist | Majrooh Sultanpuri |
