Koi ye kaise bataa ye ke vo tanhaa kyoo hai ?
Vo jo apna tha vohi aur kisi ka kyoo hai ?
Yahi duniya hai to phir aisi ye duniya kyoo hai ?
Yahi hota hai to aakhir yahi hota kyoo hai ?
Ek zaraa haath badhaa de to pakadale daaman
Usake sine me samaa jaye hamaari dhadakan
Itani kurbat hai to phir faasalaa itanaa kyoo hai ?
Dil-e-barabaad se nikalaa nahi ab tak koi
Ek lute ghar pe diyaa karataa hai dastak koi
Aas jo toot gayi phir se badhaataa kyoo hai ?
Tum masarrat ka kaho ya ise gam ka rishtaa
Kahate hai pyaar ka rishtaa hai janam ka rishtaa
Hai janam ka jo ye rishtaa to badalataa kyoo hai ?
| Movie | Arth |
| Singer | Jagjit Singh |
| Director | Mahesh Bhatt |
| Music Composer | Chitra Singh (Chitra Dutta), Jagjit Singh |
| Lyricist | Kaifi Azmi |
| Star Cast | Shabana Azmi, Kulbhushan Kharbanda, Smita Patil, Raj Kiran, Rohini Hattangadi |
| Label | Sa Re Ga Ma |
