Ai taazaa vaaredaan-e-bisaat-e-hawaa-e-dil
Zinhaar gar tumhe havas-e-naav-nosh hai
Dekho mujhe jo didaa-e-ibarat-nigaah ho
Meri suno jo gosh-e-nasihat-ni_osh hai
Ya shab ko dekhate the ke har gosha-e-bisaat
Daamaan-e-baagabaan-o-kaf-e-gul-farosh hai
Yaa subah-dam jo dekhiye aakar to bazm me
Nai wo surur-o-shor na josh-o-kharosh hai
Daag-e-firaaq-e-sohabat-e-shab ki jali hu_i
Ik shammaa rah ga_i hai so wo bhi khamosh hai
Zulmat-kade me mere shab-e-gam kaa josh hai
Ik shamaa hai dalil-e-sahar so khamosh hai
