Meree Aawaaj Suno, Pyaar Ke Raaj Suno
Maine Ek Phul Jo Seene Pe Saja Rakha Tha
Usake Parade Mai Tumhe Dil Se Laga Rakhha Tha
Tha Juda Sabse Mere Ishk Kaa Andaaj Suno
Meree Aawaaj Suno………
Jindagee Bhar Mujhe Nafarat See Rahee Ashkon Se
Mere Khwaabo Ko Tum Ashko Me Dubote Kyon Ho
Jo Meree Tarah Jiya Karate Hain, Kab Marate Hain
Thak Gaya Hu Mujhe So Lene Do, Rote Kyon Ho
So Ke Bhee Jagate Hee Rahate Hain Jaanbaaj Suno
Meree Aawaaj Suno………
Meree Duneeya Me Naa Purab Hai, Naa Pashchim Koyee
Saare Insaan Simat Aaye Khulee Baaho Me
Kal Bhatakata Tha Mai, Jin Raaho Me Tanha Tanha
Kaafile Kitane Mile Aaj Unhee Raaho Mai
Aur Sab Nikale Mere Humdard Mere Humraaj Suno
Meree Aawaaj Suno………
Naunihal Aate Hain Arathee Ko Kinaare Kar Lo
Mai Jahaan Tha Inhe Jaana Hai Vaha Se Aage
Aasmaan Inaka Jamin Inaee Jamaana Inaka
Hain Ke Inake Jahaan Mere Jahaan Se Aage
Inhe Kaliya Naa Kaho, Hain Yeh Chumanasaj Suno
Meree Aawaaj Suno………
Kyon Sanvaree Hai Yeh Chandan Kee Chita Mere Liye
Mai Koyee Jism Nahee Hu Ke Jalaaoge Mujhe
Raakh Ke Saath Bikhar Jaaunga Mai Duneeya Me
Tum Jahan Khaaoge Thokar Vahee Paaoge Mujhe
Har Kadam Par Hai Naye Mod Kaa Aagaaj Suno
Meree Aawaaj Suno Pyaar Ke Raaj Suno
Maine Ek Phul Jo Sine Pe Saja Rakha Tha
Usake Parade Mai Tumhe Dil Se Laga Rakhha Tha
Tha Juda Sabse Mere Ishk Kaa Andaaj Suno
Meree Aawaaj Suno………
Meree Aawaaj Suno, Pyaar Ke Raaj Suno Song Lyrics from the movie/album Naunihal. The song Meree Aawaaj Suno, Pyaar Ke Raaj Suno was sung by Mohammad Rafi. The music was given by Madan Mohan. The lyrics were Penned by Kaifi Azmi
Share your thoughts