Chakravyuh Me Ghusane Se Pahale
Mai Kaun Thaa Aur Kaisaa Tha
Ye Mujhe Yaad Hi Na Rahega
Chakravyuh Me Ghusane Ke Baad
Mere Aur Chakravyuh Ke Bich
Sirf Ek Jaanlevaa Nikatata Thi
Iska Mujhe Pata Hi Na Chalega
Chakravyuh Se Bahar Nikalne Par
Mai Mukt Ho Jaaun Bhale Hi
Phir Bhi
Chakravyuh Ki Rachana Me
Farq Hi Na Padega
Marun Ya Maarun
Mara Jaaun Ya Jaan Se Maar Dun
Iska Faisala Kabhi Na Ho Payega
Soya Hua Aadami Jab Nid Se Uth Kar
Chalana Shuru Kartaa Hai
Tab Sapano Kaa Sansaar Use Dubara
Dikh Hi Na Payaega
Us Roshani Me Jo Nirnay Ki Roshani Hai
Sab Kuchh Samaan Hoga Kyaa
Ek Palade Me Napusakataa
Ek Palade Me Paurush
Ek Palade Me Napusakataa
Ek Palade Me Paurush
Aur Thik Taraazu Ke Kaante Par
Ardh-satya
Ardh Satya Song Lyrics from the movie/album Ardh Satya released in the year 2018 starring Om Puri, Smita Patil. This movie/album was directed by Govind Nihalani. The music was given by Ajit Varman
Share your thoughts