Ashiyan jal gaya gulista lut gaya
Ab kafas se nikal kar kidhar jayege
Kitne manus saiyad se ho gaye
Ab rihayi milegi to mar jayege
Ashiyan jal gaya gulista lut gaya
Kale kale vo gesu shikan-dar-shikan
Vo tabassum ka alam chaman-dar-chaman
Khich li un ki tasavir dil ne mere
Ab vo daman bacha kar kidhar jayege
Ashiyan jal gaya gulista lut gaya
Aur kuch din ye dastur-e-maikhana hai
Tashnakami ke ye din guzar jayege
Mere saaqi ko nazre uthane to do
Jitne khali hai sab jaam bhar jayege
Ashiyan jal gaya gulista lut gaya
Ashq-e-gam leke akhir kahan jaye ham
Ansuo ki yaha koi kimat nahi
Sap hi apna daman badha dijiye
Varna moti zami par bikhar jayege
Ashiyan jal gaya gulista lut gaya
Aye nasim-e-sahar tujhko un ki kasam
Un se ja kar na kahna mera hal-e-gam
Mere mitne ka dar to nahi hai mujhe
Dar ye hai un ke gesu bikhar jayege
Ashiyan jal gaya gulista lut gaya
