Kitni javan hai rat, koyi yad aa gaya
Badhane lagi hai bat, koyi yad aa gaya
Phir aa gayi chaman me, gujri huyi bahar
Rehne laga kisi kaa phir dil ko intzar
Abb hogi mulakat, koyi yad aa gaya
Badhane lagi hai bat……..
Phir yad aa rahe hain gujre huye jamane
Dil gun-guna raha hai bhule huye tarane
Tanhayi aur yeh rat, koyi yad aa gaya
Badhane lagi hai bat……..
Ankho se nind janey ud kar kaha gayi hai
Woh bhi wahin pe honge, nindiya jahan gayi hai
Shayad yahi hai bat, koyi yad aa gaya
Badhane lagi hai bat……..
