Tum chali jaaogi parchhaaiyaan rah jaayengi
Kuchh na kuchh husn ki raanaaiyaan rah jaayengi
Sun ke is jhil ke saahil pe mili ho mujhase
Jab bhi dekhuungaa yahin mujhako nazar aaogi
Yaad mitati hai na manzar koi mit sakataa hai
Duur jaakar bhi tum apane ko yahin paaogi
Tum chali jaaogi
Ghul ke rah jaaegi jhonkon men badan ki khushabuu
Zulf kaa aks ghataaon men rahegaa sadiyon
Phuul chupake se churaa lenge labon ki surkhi
Ye javaan husn fizaaon men rahegaa sadiyon
Tum chali jaaogi
Is dhadakati huyi shadaab-o-hasin vaadi men
Yah na samajho ki zaraa der kaa kissaa ho tum
Ab hameshaa ke liye mere mukaddar ki tarah
In nazaaron ke mukaddar kaa bhi hissaa ho tum
Tum chali jaaogi
