Madhur madhur mere dipak jal !
Yug yug pratidin pratixan pratipal,
Priyatam kaa path aalokit kar !
Saurabh phailaa vipul dhup ban,
Mr^idul mom saa ghul re mr^idu tan;
De prakaash kaa sindhu aparimit,
Tere jivan kaa anu anu gal !
Pulak pulak mere dipak jal !
Saare shital komal nutan
Maang rahe tujhase jvaalaa-kan
Vishva-shalabh sir dhun kahataa ‘mai
Haay na jal paayaa tujh me mil’ !
Sihar sihar mere dipak jal !
Jalate nabh me dekh asakhyak,
Snehahin nit kitane dipak;
Jalamaya saagar kaa ur jalataa,
Vidyut le ghirataa hai baadal !
Vihans vihans mere dipak jal !
Drum ke ag harit komalatam,
Jvaalaa ko karate hr^idayagam;
Vasudhaa ke jad atar me bhi,
Bandi hai taapo ki halachal !
Bikhar bikhar mere dipak jal !
Meri nishvaaso se drutatar,
Subhaga na tu bujhane kaa bhay kar
Mai anchal ki ot kiye hun,
Apani mr^idu palako se chachal !
Sahaj sahaj mere dipak jal !
Simaa hi laghutaa kaa badhan,
Hai anaadi tu mat ghadiyaan gin;
Mai dr^ig ke axay kosho se
Tujh me bharati hun aansu jal !
Sajal sajal mere dipak jal !
Tama asim teraa prakaash chir,
Khelege nava khel niratar;
Tama ke anu anu me vidyut saa
Amit chitra akit karataa chal !
Saral saral mere dipak jal !
Tu jal jal jitanaa hotaa xaya,
Vah samip aataa chhalanaamaya;
Madhur milan me mit jaanaa tu
Usaki ujjvala smita me ghul khil !
Mandir mandir mere dipak jal !
Priyatama kaa path aalokit kar !
