Kis vidhee karu bakhan prabhu tere kotee kotee upakar
Kal tak thee khalee jholee aaj bhare bhandar
Ajab teree karigaree karatar – (2)
Samajh naa aaye maya teree badale rang hajar
Ajab teree karigaree
Dene vale tune yeh ghar (kushiyo sey bhar dala -2)
Too sabase bada hai dani teree lila kisane janee
Jag soch soch gaya har
Ajab teree karigaree
Chhota sa sansar hamara (svarg banaye rakhna -2)
Iss bagiya me sada kushee ke phul khilaye rakhna
Chahe raja ho ya bhikharee
Tune vipada sabkee taree
Are vah rey palanahar
Ajab teree karigaree
Ghar vale ghar sey nikale hokar aaj paraye
Tera kaisa yeh sansar
Ajab teree karigaree
Kiskee najar lagee iss ghar ko bikhar gaye sab tinake
Murjhayee hain yeh kaliya khilane ke din the jinake
Koyee yu naa ho lachar
Ajab teree karigaree
