Suno suno suno meri jubani
Suno suno suno amar kahani
Aate hain ji jate hain ji
Kaun aate hain
Iss dharati par kabhi kabhi aise log bhi aate hain
Rehti duniya tak jo apna naam amar kar jate hain
Suno suno suno meri jubani
Suno suno suno amar kahani
Attharah sau sattavan ka jamana yad karo
Jamana yad karo
British jalimo ka fasana yad karo
Fasana yad karo
Firangi ne aate jate hamla kiya aisa
Khun hamara hokar pani bah sakta hai kaise
Hame kayar samajh kar fauj unaki iss tarah tuti
Kunvari kya suhagan kya sabhi ki aabru luti
Ek vir dharmaraj talvar le ke aaya
Woh bharat maa ka beta samane aaya
Kuda woh maidan me lekar nyay ki talvar
Dher ho gayi ret jaise dushman ki divar
Toh kya videshi dum dabakar bhag gaye
Bhage nahi haar gaye
Hare huye sipahi par gora afasar baras pada
Aur kaha samane se nahi toh pith me chhuri maaro
Jit ki khushi me soye huye insan par
Firangi sipahio ne hamla kar diya
Firangio ne pichhe se unko aise pakda
Bade dhokhe se aakar sher ko janjiro me jakda
Ghana woh ped jo deta tha sare ganv ko chhaya
Usi pe phansi dene ko dharmaraj ko latakaya
Shahid toh mar ke bhi jite rehte hain
Isiliye toh amar unako log kehte hain
Kate huye iss ped ko dekho gadi hai jo talvar
Abb tak isme baki hai aajadi ki jhankar
| Movie | Dharam Adhikari |
| Singer | Shabbir Kumar, Asha Bhosle |
| Director | D K Raghvendra Rao |
| Music Composer | Bappi Lahiri |
| Lyricist | Indeevar |
| Star Cast | Dilip Kumar, Jeetendra, Sridevi, Kader Khan, Anuradha Patel, Asrani, Shakti Kapoor, Pran, Rohini Hattangadi, Priti Sapru |
