Babul kee duwaye letee ja
Ja tuj ko sukhee sansar mile
Mayake kee kabhee naa yad aaye
Sasural me itana pyar mile
Naajo se tujhe pala maine
Kaliyo kee tarah phulon kee tarah
Bachapan me julaya hain tujhako
Baaho ne meree jhulo kee tarah
Mere bag kee aye najuk dalee
Tuje harpal nayee bahar mile
Jis ghar se bandhe hain bhag tere
Us ghar me sada teraa raj rahe
Hothhon pe hansee kee dhup khile
Mathe pe khushee kaa taj rahe
Kabhee jisakee jyot naa ho fikee
Tuje aisa rup singar mile
Bite tere jivan kee ghadeeyan
Aaram kee thhandee chhanv me
Kanta bhee naa chubhane paye kabhee
Meree ladalee tere panw me
Us dwar se bhee dukh dur rahe
Jis dwar se teraa dwar mile
| Movie | Neel Kamal |
| Singer | Mohammed Rafi |
| Director | Ram Maheshwari |
| Music Composer | Ravi |
| Lyricist | Sahir Ludhianvi |
| Star Cast | Raaj Kumar, Waheeda Rehman, Manoj Kumar, Mehmood, Balraj Sahni, Shashikala, Lalita Pawar, David, Murad, Ruby, Sheela, Shree Bhagwan, Jairaj, Tiwari, Chhaya, Nasreen, Nandini, Gopal Saigal, Jagdish Raaj, Mumtaz Begum, Sofia, Shehnaaz, Apsara, Rajen Kapoor |
